Карлаг

Саяси қуғын-сүргін құрбандарын есте сақтау музейі архивтік құжаттарды цифрландыру үшін Bookeye BE5-V3 Basic заманауи планетарлық кітап сканерін сыйға тартқан Слободскийлерге және олардың отбасыларына шын жүректен алғыс білдіреді. Слободскийлер – КарЛАГ-та жазасын өтеп, сол жерде қаза тапқан ақын әрі альпинист Михаил Иванович Слободскийдің ұрпақтары. Олардың тарихи жадыға бейжай қарамандарының арқасында музей бірегей құжаттар, хаттар, фотосуреттер мен жеке куәліктерді сапалы әрі жедел өңдеуге мүмкіндік алды. 

Сондай-ақ, сканерді жеткізген және оны таңдау мен пайдалану бойынша кәсіби кеңестер ұсынған Grandstok компаниясына ерекше ризашылығымызды білдіреміз.

Жаңа сканер біз үшін тарихи мұраны сақтау және оны кеңінен насихаттау ісінде жаңа мүмкіндіктер ашады. Сіздердің бұл игі істеріңіз – мәдени-ағартушылық бастамаларды қолдаудың қаншалықты маңызды екенін көрсететін жарқын үлгі болып табылады.

Долинка кентінде, 10 шілдеде маңызды кездесу өтті: отбасылары Кеңес одағында саяси қуғын-сүргінге ұшыраған Қазақстан мен Германиядан келген неміс саяси эмигранттарының ұрпақтары, саяси қуғын-сүргін құрбандарын еске алу музейіне барды. Сапар аясында қонақтар үшін экскурсия өткізіліп, архивтік құжаттар мен фотосуреттерден көрме ұйымдастырылды. Германиядан келген қонақтарға жергілікті тұрғындармен кездесу ерекше әсер қалдырды, өйткені олардың ата-бабалары да неміс ұлтының саяси тұтқындары болған. Қонақтар өздерінің отбасылық тарихтарымен бөлісіп, бір-бірлеріне қолдау көрсетіп, жайлы атмосфера қалыптастырды.

2025 жылғы 12 шілдеде Долинка кентіндегі Саяси қуғын-сүргін құрбандарын еске алу музейіне Франциядан келген журналист Мадек Манон келді. Экскурсия барысында музейдің жалпы тарихты қамтамасыз ету жөніндегі ғылыми-зерттеу бөлімінің ғылыми қызметкері Турлубекова Анна Николаевна журналисті музей экспозициясымен таныстырып, 1930–1950 жылдардағы саяси қуғын-сүргін тарихы мен Долинка кентінің тарихи нысандары туралы ағылшын тілінде әңгімелеп берді.

Экскурсиядан кейін музейдің конференц-залында журналист пен музейдің ғылыми кеңесі арасында сұхбат өтті. Ғылыми кеңестің құрамында музей директорының орынбасары Дребезгов Андрей Сергеевич, жалпы тарихты қамтамасыз ету жөніндегі ғылыми-зерттеу бөлімінің ғылыми қызметкерлері Турлубекова Анна Николаевна мен Кондрашов Иван Евгеньевич болды. Сұхбат барысында музейдің құрылу тарихы, көрмелердің дамуы, келушілер, жергілікті қауымдастықтармен байланыс және басқа да тақырыптар қозғалды.

Онлайн-жоба Кеңес Одағы тарихының саяси қуғын-сүргін ретінде сипатталған кезеңдерінің біріне арналған. Бұл тоталитарлық режимге, сонымен бірге жалпы Кеңес Үкіметінің тарихына қызығушылық танытқандар үшін маңызды болады. Мұнда сіз Карлагтың қарапайым және көрнекті адамдарының өмірбаянын, олардың өмірлік жолдары мен жетістіктерін танып білесіз.

Жоба Карлаг сабақтарын игеру идеясын насихаттау, қазіргі әлемде жастардың толерантты санасын тәрбиелеу, мектеп оқушылары мен колледж студенттерін Карлаг тарихын зерттеуге тарту мақсатында құрылған.

Долинка кентінің саяси қуғын-сүргін құрбандарын есте сақтау музейі» КМҚК жыл сайын 18 мамырда, халықаралық «Музейдегі түн» акциясы өткізіледі.

Музейдің алаңында келушілерді үрмелі оркестр, ретро-автомобильдер және Карлаг дәуірінен қалған тұрмыстық заттар көрмесі қарсы алады. Әуесқой түсірілімшілерге көптеген фотолокациялар әзірленді. Тақырыптық концерттік бағдарлама өткізіледі.

Әр көрме залында Карлаг тұтқындарының өміріндегі сәттер ойнатылады, қуғын-сүргінге ұшырағандардың естеліктерінен ең жарқын, ұмытылмас эпизодтарға жан бітіріп, театрландырылады.

Тарихи ақпарат көрерменге заманауи технологияларды қолдану арқылы беріледі.