Өткізілетін іс-шаралар

2024 жылғы 10 желтоқсанда саяси қуғын-сүргін құрбандарын есте сақтау музейінде Долинка кентінің құрылғанына 115 жыл толуына арналған «Долинка: исторические вехи» атты дөңгелек үстел өтті. Шараның басты мақсаты: өзіндік қөзқарасты дамыту, туған өлкені зерттеу, Карлагтың тарихи орындарын сақтау қоры ретінде мәдени ақпараттарды қалыптастыру болып табылады. Шараға музейдің басшылығы, Долинка кентінің байырғы тұрғындары: Долинка мектебінің еңбек сіңірген педагогы – Светлана Александровна Хомич, Карлагтың ОЕБ бірінші бөлімшесінің басқармашысы болған – Клименко Геннадий Романович, құрметті ауыл тұрғындары - Комок Тамара Павловна, Терехова Наталья Ивановна, Асхат Айдарұлы Хамзин,                

Шахтинск қаласының ақпараттық-библиографиялық бөлімінің меңгерушісі-Евсикова Елена Викторовна, ғылыми қызметкерлер, экскурсия жүргізушілер, аймақтың жалпы білім беретін мектептерінің оқушылары қатысты.

Дөңгелек үстел отырысы барысында ауылдың құрылу тарихы, алқаптың тарихи нысандары туралы тақырыптар қозғалды. Музейдің ғылыми қызметкерлері «Долинка-құрылу тарихы», «Долинка медицинасы», «Карлагтың ҰОС жылдарындағы қорғаныс өнеркәсібі» тақырыптары бойынша презентациялық материалдар ұсынды.

Шахтинск қаласының ақпараттық-библиографиялық бөлімінің меңгерушісі Е. В. Евсикова Долинка кентінің және өңірдің басқа да елді мекендерінің зерттеу жұмыстары бойынша көрнекі материалдар (архивтік фотосуреттер, 30-50 жылдардағы Карлаг кітапханасынан кітаптар, ақпараттық құралдар) ұсынды.

 Кенттің байырғы тұрғындары Карлагтың «Астанасы» болған - Долинка кентінің құрылу тарихы, лагерьде мерзімін өтеген, танымал қуғын-сүргінге ұшыраған адамдар, тұтқындардың балаларын ұстау жағдайы, 1930-50 жылдар кезеңінде аймақтың ауыл шаруашылығының дамуы туралы жадында сақталған ақпараттармен бөлісті.

Өмір сүру – өрісті кесіп өту емес. Әр өмір сүріп өткен жыл – басқа өткен жылға  ұқсамайды, әрқайсысы есте бір таңба қалдырады. Ұрпақтар алмасуда. Уақыт пен адамдар өз тарихын жасайды.Туған өлкені, туған ауылды естен шығармау, оның өткенінен білім алу  - халықтың өзін-өзі тануы үшін қажет.

23 қазанда «Долинка кентінің саяси қуғын-сүргін құрбандарын есте сақтау музейі» КМҚК Қазақстан Республикасы күніне арналған салтанатты шара өтті.

Шара барысында музей басшысы Г.Ж.Бейсенғалиева қатысушыларды ұлттық мерекемен құттықтап, Қарағанды облысы әкімінің, Қарағанды облысы мәдениет, архивтер және құжаттама басқармасы бастығының, «Долинка кентінің саяси қуғын-сүргін құрбандарын есте сақтау музейі» басшысының Құрмет грамоталарын табыстап, алғыс хаттармен марапаттады.

Сонымен бірге зейнеткерлікке шыққан қызметшілер де назардан тыс қалмады. Көпжылғы қажырлы еңбектері үшін алғыс хаттармен марапатталды.

Салтанатты шара мерекелік концертпен жалғасын тапты. Музей қызметкерлері, Долинка кентінің мәдениет үйі мен № 6505 ӘБ 2- батальон өкілдері өз өнерлерін ортаға салды.

2024 жылғы 01 наурызда Долинка кентіндегі саяси қуғын-сүргін құрбандарын есте сақтау музейінде  Алғыс айту күні этностардың бір-біріне және қазақ халқына деген ортақ тарихи жадының көрінісіне айналған тақырыптық іс-шара өтті. . Қазақстан Республикасында тұратын этностардың ортақ тарихи тағдыры этносаралық қатынастарды нығайтуға ықпал ететін ортақ құндылықтар мен мұраттарды қалыптастырды. Бұл күннің басты оқиғаларының бірі - қазақ халқының біріктіруші рөлі бар Қазақстан халқының азаматтық, рухани және мәдени қоғамдастығын құруға бағытталған «Қазақстан – бейбітшілік пен келісім елі» атты дөңгелек үстел болды. Дөңгелек үстелді қиын сынақ жылдарындағы имандылық пен руханияттың салтанат құруын еске алу біріктірді.

2024 жылғы 31 мамырда Қарағанды облысы мәдениет, мұрағаттар мен құжаттама басқармасының «Долинка кентіндегі саяси қуғын-сүргін құрбандарын есте сақтау музейі» КМҚК саяси қуғын-сүргін және ашаршылық құрбандарын еске алу күніне арналған «Қазақстандағы саяси қуғын-сүргін тарихын ғылыми зерттеудің мәселелері мен тиімділігі» атты республикалық ғылыми-практикалық конференция өтті.

Конференцияға ҚР жетекші тарихшыларының баяндамалары тыңдалды: Валерия Викторовна Козина - тарих ғылымдарының докторы, академик Е.Букетов атындағы Қарағанды университетінің Қазақстан тарихы кафедрасының профессоры.

Светлана Викторовна Елеуханова - тарих ғылымдарының кандидаты, академик Е.Букетов атындағы Қарағанды университетінің Қазақстан тарихы және ҚҒА кафедрасының қауымдастырылған профессоры.

Зәуреш Ғалымжанқызы Сақтағанова - археология, этнология және ұлттық тарих кафедрасының профессоры-зерттеуші, академик Е.Бөкетов атындағы Қарағанды университетінің этномәдениет және тарихи-антропологиялық зерттеулер орталығының директоры.

Анар Мырзағалиқызы Смағұлова

Алматы қаласының Ш.У.Уалиханов атындағы тарих және этнология институтының ішкі байланыс және дүниежүзілік тарих бөлімінің ғылыми қызметкері

Айнагуль Есимсеитовна Даниярова

Тарих ғылымдарының кандидаты, Әбілқас Сағынов атындағы Қарағанды Техникалық университеті КАҚ «Қазақстан тарихы» кафедрасының доценті.

Ботакөз Орынбекқызы Нұрқұлова

Аға ғылыми қызметкер, Шымкент қаласының саяси қуғын-сүргін құрбандарын есте сақтау музейінің тарих магистрі.

Конференция барысында ғылыми зерттеулердің өзекті бағыттары мен ХХ ғасырдың 20-50-жылдарындағы Қазақстандағы саяси қуғын-сүргін тарихын зерттеудің тетіктерін пайдалану тиімділігі мен проблемаларды шешу жолдары қаралды.